Xitay 19-qurultiyi aldida 15 neper yuqiri derijilik emeldargha a'it jaza mu'eyyenleshtürüldi

Muxbirimiz ümidwar
2017-10-15
Share

Xitay kompartiyisining 19-qurultiyi bashlinishqa az waqit qalghanda chaqirilghan xitay kompartiyisi 18-qurultiyining 7-omumiy yighinida 15 neper sabiq yuqiri derijilik rehbiri shexske kompartiyedin qoghlap chiqirish jazasi bérishke a'it qarar mu'eyyenleshtürülgen.

"Amérika awazi" ning xewiride qeyt qilinishiche, xitay 18-qurultiyining mezkur eng axirqi, yeni, 7-qétimliq omumi yighini shenbe küni bashlan'ghan bolup, bu arqiliq 19-qurultayning axirqi teyyarliqi we shi jinping qatarliqlarning orni békitilidu.

Mezkur yighinda birdek mu'eyyenleshtürülgen xitay merkizi intizam tekshürüsh komitéti jazalap, siyasiy byuro testiqlighan partiyidin chiqirilish jazasigha uchrighan 15 kishining ichide, xitay kompartiyisi merkizi komitéti ezasi, xitay edliye ministiri wu eyying, chongching sheherlik partiye komitétining sékrétari sun jéngsey, tyenjin shehirining bashliqi we tyenjin partkom muweqqet sékrétari xung shin'go, xitay döletlik istraxu'aniye bashqurush we nazaret qilish komitétining re'isi shyang jünbo qatarliq sabiq emeldarlar shuningdek yene gensu we bashqa bir qanche ölke rehbiri hem xitay qoralliq küchlirining bir qanche neper yuqiri derijilik qomandani bar iken.

Bularning ichidiki chongching partkom sékrétari sun jéngsey qatarliqlarning 19-qurultayda siyasiy byurogha kirish riqabiti küchlük shexs ikenliki tehlil qilin'ghan idi.

Xitay kompartiyisining 19-qurultiyi xitayning ichki qismidila emes, belki xelq'aradimu zor diqqet qozghawatqan bolup, bu qurultayning shi jinpingning xitay kompartiyisining ichki qismidiki özige qarshi turghuchi guruhlarni bir terep qilip, hakimiyet we öz ornini téximu mustehkemliyelishi bilen biwasite munasiwetlik ikenliki tehlil qilinmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet