Nopuzluq adwokat xitayni démokratik islahat élip bérishqa chaqirdi

Muxbirimiz jüme
2017-09-09
Share

U, xétide özining mezkur xéti üchün yene qolgha élinishtin ensireydighanliqi, uningsizmu hemmeylenning qamaqqa élinmighan halettimu yenila türme hayatini béshidin kechürüwatqanliqini bildürgen.

Xitaydiki nopuzluq kishilik hoquq adwokati xitay rehberlirige ochuq xet élan qilip, ularni démokratik islahat élip bérishqa we türmidiki siyasiy mehbuslarni quyup bérishke chaqirdi.

Shyé yenyi isimlik bu adwokat yéqida xitay re'isi shi jinping we xitay siyasiy byurosigha yollan'ghan ochuq xétide démokratik kelgüsining xitay üchün birdin bir chiqish yoli ikenlikini körsetken.

Radi'oyimizning xewer qilishiche, shyé xétide meyli yuqiri derijilik rehberler we yaki öz sepdashliri bolmisun, hemmeylenning dölitige yamanliq tilimeydighanliqini körsetken we: "Biz diktatorliqtin medeniyetke qarap siljishini xalaymiz" dégen.

U yene xétide xitay da'irilirining xitaydiki kishilik hoquq adwokatliri we hökümetke tewe bolmighan teshkilatlargha qarshi bir suyiqest pilanlighanliqini yazghan hemde adwokatlarning ten jazasigha uchrighanliqini ilgiri sürgen.

U xétide zor miqdarda pulning xitaydin sirtqa éqiwatqanliqini, xitay merkiziy partkomning 200 din artuq ezasining chet'el pasporti barliqini körsetken.

U mundaq dégen: "Mustebit zerdar we serxiller qorqmaqta hemde ular chériklikini yoshurush üchün intérnétni uzundin buyan qattiq teqib qilip keldi. Chünki ular xitay xelqining heqiqetni bilip qélishini xalimaydu."

2015-Yilidin buyan xitayda kishilik hoquq adwokatlirigha qaritilghan basturush hessilep kücheygen. Eyni chaghda 200 din artuq adwokat tutulup, 20 nechchisi jazagha tartilghanliqi xewer qilin'ghan.

Melum bolushiche, shyé yenyimu shu yili iyulda tutulghan we 2016-yili yanwarda kapaletke qoyup bérilgen iken.

U, xétide özining mezkur xéti üchün yene qolgha élinishtin ensireydighanliqi, uningsizmu hemmeylenning qamaqqa élinmighan halettimu yenila türme hayatini béshidin kechürüwatqanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet