Хитай афған һөкүмити билән талибанларни яраштурушқа васитичилик қилиду

Мухбиримиз әркин
2014-11-15
Share

Хитай афған талибанлири билән кабул һөкүмитини яраштуруш үчүн бир тинчлиқ сөһбәт лайиһисини оттуриға қойған. Әгәр тәрәпләр қобул қилса хитай сөһбәткә васитичилик қилиду. Анализчилар буни хитайниң афғанистанда техиму чоңрақ рол ойнап, шәрқий түркистан күчлириниң тәһдитигә тақабил турмақчи болуватқанлиқниң ишарити, дәп қариған.

Ройтерсниң хәвәр қилишичә, хитайниң лайиһисидә кабул һөкүмити, талибан, пакистан вәкиллирини хитайға чақирип, афғанистанда тинчлиқ вә яришишни ишқа ашуруш сөһбитини қайта башлаш оттуриға қоюлған. Бирақ хитайниң пилани һазирға қәдәр рәсмий елан қилинмиған. Чүнки, афғанистан президенти ғени пакистан вә талибанларниң сөһбәткә майил яки әмәсликини билиш үчүн вақитқа еһтияҗлиқ икәнликини билдүргән.

Анализчиларниң қаришичә, хитайниң тинчлиқ пилани ғәлибә қилишқа һечқандақ капаләт болсиму, бирақ у хитайниң афғанистанда актип рол ойнашқа майил икәнлики, бу арқилиқ шәрқий түркистан ислам һәрикити күчлирини бир тәрәп қилишқа тиришиватқанлиқини көрситидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.