Mutexessis jeyms dorsey xitayning tajikistan we afghanistan chégrasidin bekrek endishe qilidighanliqini ilgiri sürgen

Muxbirimiz shöhret hoshur
2018-07-24
Share

Hindistandiki "Countercurrents.org" namliq bir tetqiqat ornining tor bétide élan qilin'ghan xitayning bixeterlik jehettiki diqqet nuqtisi heqqide toxtalghan bir maqalida bayan qilinishiche, xitay nöwette süriyedin afghanistan'gha chékin'gen Uyghur qoralliqliridin xatirjemsiz iken.

Ottura sherq mutexessisi jeymis dorseyning bu maqaliside déyilishiche, xitayning bixeterlik jehettiki diqqet nuqtisi afghanistan we tajikistan chégralirigha bekrek merkezleshken. Bundaq bolushigha süriyediki urushta islam döliti teshkilati ajizlashqandin kéyin, u yerdiki Uyghur qoralliq küchlirining afghanistan we pakistan'gha chékinishi seweb bolghan. Maqalida xitayning 50 milyard dollar meblegh ajritilghan xitay-pakistan iqtisadiy karidori qurulushining bixeterlikidin endishe qilip pakistan, afghanistan we tajikistan bilen bixeterlik jehettiki hemkarliqini barghanséri kücheytiwatqanliqi ilgiri sürülgen. Maqalida yene xitayning afghanistan chégrasidin bekrek, tajikistan chégrasidin endishe qilidighanliqi, chünki afghanistan bilen chégrasi peqet 75 kilométir uzunluqta bolsa tajikistan bilen 400 nechche kilométir uzunluqta ikenliki eskertip ötülgen. Maqalida déyilishiche, xitay ottura asiyada dewrlerdin béri tinchliq yoli bilen heriket élip bériwatqan Uyghur pa'aliyetchilirining Uyghur rayonigha körsitidighan tesirini tosushnimu bixeterlik tedbirlirining muhim bir terkibige kirgüzgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.