Хитай афғанистанға хәвпсизлик җәһәттә ярдәм беридиғанлиқини билдүргән

Мухбиримиз әркин
2015-11-04
Share


3 - Ноябир хитай билән афғанистан бир қатар келишимләрни һасил қилған вә мәзкур дөләттә зиярәттә болған хитайниң муавин рәиси ли юәнчав афғанистанға хәвпсизлик җәһәттә ярдәм беридиғанлиқини билдүргән.

Хитай ахбаратиға қариғанда, хитай муавин рәиси ли хитай - афғанистан дипломатик мунасивитиниң 60 йиллиқини хатириләш үчүн афғанистанға кәлгән.

Афғанистандин чиқидиған "паҗвок" агентлиқида нәқил қилишичә, ли юәнчавни күтүвелиш вә келишимләргә имза қоюш мурасимлириға қатнашқан афғанистан президенти әшрәп ғени: "буниңдики биринчи келишим хәлқимизниң җисманий бихәтәрлики һәққидә болди" дегән.

Мәлум болушичә, йәнә бу икки дөләт арисида түзүлгән хәвпсизлик келишими бойичә хитай афғанистанда ясилидиған олтурақ өй қурулушиға 79 милйон доллар мәбләғ салидикән.

Рейтерста афғанистан телвизийәсидин нәқил елип хәвәр қилишичә, хитай муавин рәиси ли хитай һөкүмитиниң афғанистанниң қошна әлләр билән болған өз - ара алақисини күчәйтишкә алақидар асасий муәссәсә қурулушиға ярдәм беридиғанлиқини билдүргән.

Әшрәп ғени 2014 - йили афғанистанға президент болуп сайланғандин кейин, тунҗи чәтәл зияритини хитайға қаратқан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт