Америка баш әлчиси хитайни русийә һәққидики ялғанлирини йиғиштурушқа чақирди

Мухбиримиз җәвлан
2022.07.05
Share on WhatsApp
Share on WhatsApp

Америка қошма шитатлири (а қ ш) ниң хитайда турушлуқ баш әлчиси николас бурнс (Nicholas Burns) 4-июл күни чиңхуа универсетитидә чақирилған бир қетимлиқ хәлқаралиқ йиғинда “хитай һөкүмити русийә һәққидики ялған учурлирини тездин йиғиштуривелиши лазим” дәп көрсәткән.

“блумберг хәвәрлири” ниң 4-июлдики хәвиридә ейтилшиичә, николас бурнс шу күни хитай һөкүмити саһибханлиқ қиливатқан хәлқаралиқ йиғинда мухбирларниң хитай һәққидики соаллириға дуч кәлгән. Мухбирлар “русийәниң украинаға таҗавуз қилишини чөридигән киризисни һәл қилишта хитай немиләрни қилалиши мумкин?” дәп сориғанда, у “хитай тездин русийә һәққидики ялған-явдақ учурлирини йиғиштуривелиши, шуниңдәк москваниң таҗавузиға һәмдәм болмаслиқи керәк,” дәп җаваб бәргән.

Хәвәрдә ейтилишичә, бу хитай тәвәсидики әң юқури дәриҗилик америка дипломатиниң тунҗи қетим хитай һәққидә бивастә һалда ашундақ қаттиқ сөз қилиши һесаблинидикән. Гәрчә баш әлчи николас бу сөзләрни хитай ташқий ишлар министирлиқиға қарита ейтқан болсиму, әмма буниң хитай һөкүмиитигиму қаритилғанлиқи ениқ икән. У бу һәқтә сөз қилип: “мән хитай ташқий ишлар министирлиқиниң баянатчиси ағзидин чүшүрмәй келиватқан ‛NATO ундақ таҗавуз қилдийәй, америка һөкүмити украинада биологийәлик қорал тәҗрибиханиси қурдийәй‚ дегәндәк ялғанлирини тездин йиғиштурвалсикән, дәймән” дегән.

Хитай ташқий ишлар минситирлиқиниң баянатчиси җав лиҗйән буниңға тездин инкас қайтуруп, америка һөкүмитини ялғанчилиқта әйиблигән. Русийәниң бейҗиңдики баш әлчиси андрей денисов (Andrey Denisov) му җав лиҗйәнгә аваз қошуп сөз қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт