Хенәндики әйдиз бимарлири өлкилик һөкүмәт алдида намайиш қилди


2013-04-23
Share


Радиомиз игилигән учурдин мәлум болушичә, 23 - апрел сәйшәнбә күни хенәндики қан бериш сәвәбидин юқумланған әйдиз бимарлиридин 150 тин артуқ киши, хенән өлкилик һөкүмәт бинаси алдиға йиғилип, һөкүмәттин уларниң давалаш чиқимини вә әйни чағда вәдә қилинған төләм пулни әмәлийләштүрүшни тәләп қилип намайиш қилған.

Мәлум болушичә, сәйшәнбә күни хенән өлкилик һөкүмәт алдиға йиғилған әйдиз бимарлири авал сичүән яәндә йүз бәргән йәр тәврәшкә ианә топлаш намида һөкүмәт бинаси алдиға йиғилған. Һөкүмәт әмәлдарлириниң қатнишишини тәләп қилған. Әйдиз бимарлири узун сақлиған болсиму, һөкүмәт әмәлдарлири уларниң алдиға чиқмиғандин кейин, ямғурлуқ күндә паалийәтни орунлаштурған әйдиз бимарлири “биз зиянкләшликкә учриғучилар. Биз қутқузушқа муһтаҗ, бизгә төләм төләп берилсун!” дегәндәк шоарларни товлап наразилиқ билдүргән.

Радиомизға инкас қилғучиларниң билдүрүшичә, даириләр кисәлдин мудапиәлиниш кийими кийгән, қоллириға калтәк вә қалқанларни алған нәччә йүзлигән қораллиқ сақчиларни әвәтип, әйдиз бимарлирини мәйдандин тарқитишқа урунған. Намайишчилар билән сақчилар арисидики тоқунушта нәччә онлиған адәм ярилинип, намайиш башчилиридин 5 - 6 нәпири тутқун қилинған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт