Google Élxet mulazimiti xitayda asta - asta eslige kélishke bashlighan

Muxbirimiz jüme
2015-01-03
Share


Google Élxet mulazimiti ötken hepte xitayda tuyuqsiz toxtap qalghandin kéyin, 2 - yanwardin bashlap asta - asta eslige kélishke bashlighan.

Google Da'iriliri ABC xewer agéntliqigha qilghan sözide, mesilining özide emesliki, bu terepte héchqandaq téxnikiliq kashila körülmigenlikini bildürgen.

Google Da'iriliri élxet mulazimitining eslige kélishke bashlighanliqini bildürgen bolsimu, emma rawanliq derijisining mulazimet toxtap qélishtin ilgiriki sewiyege yételmigenlikini bildürgen.

Xitay hökümitining igidarchiliqidiki "Xelq géziti" bu heqte élan qilghan obzorida téxnikiliq kashilining "Orunsiz gumanlar" gha seweb bolghanliqini bildürgen.

Obzorda mundaq körsitilgen: xitay hökümiti her qandaq shirketning xitay qanunigha boysun'ghan asasta xitayda tijaret qilishini qarishi alidu. Halbuki, gugul xitay qanunidiki cheklimilerge asan boysunmasliqqa bekrek ehmiyet bérip, toqunush keltürüp chiqarmaqta.

Bu gugul izdesh matori we élxet mulazimitining xitayda tunji qétim dexlige uchurushi emes.

Gugul xitayning izdesh matorigha qoyghan cheklimisi tüpeyli 2009 - yili xitaydiki izdesh mulazimétirini taqap, xongkonggha yötkeshke mejbur bolghan idi.

Shundin kéyin gugulning xitaydiki mulazimiti izchil rawan bolmay kelmekte.

Xitayda gugul shirkitining YouTube qanili, FaceBook, Twitter qatarliq ijtima'iy tartqularmu taqalghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.