Xitay amérikigha qarshi oq ötmes kiyim sétiwalidighanliqi éytti

Muxbirimiz nuriman
2020-02-26
Élxet
Pikir
Share
Print

Xitay "Teywenning bölgünchiliki we amérikining qutratquluq herikiti" ge qarshi 1. 4 Milyon kishilik oq ötmes kiyim sétiwalidighanliqi éytti.

"Yershari waqit géziti" 23-féwraldiki xewiride mundaq dégen: "Xitay azadliq armiyesi özining urush hazirliqini ashurushqa, belki teywenning bölgünchiliki we amérikaning qutratquluq herikiti keltürüp chiqirishi mumkin bolghan herbiy toqunushlargha taqabil turushqa tirishchanliq körsitiwatqan mezgilde azadliq armiyesi 1. 4 Milyon kishilik ela süpetlik oq ötmes kiyim sétiwélish pilanini élan qildi."

Xewerge qarighanda, xitay armiyesi bu kiyimler üchün kelgüsi ikki yil ichide 13 milyard yüen chiqim qilishqa teyyarliq qilghan.

Xewerde neqil qilishiche, xitay herbiy ishlar tetqiqatchisi we analizchi song jongping, xitay armiyesi téximu köp heqiqiy urush derijisidiki manéwirlarni ötküzüshni pilanlawatqan bolup, eskerler mudapi'e kiyimini urush waqtidikidek da'im kiyip yüridighanliqini éytqan.

Xitayning dölet ichidiki herbiy ishlargha qiziqquchilar ijtima'iy taratqulardiki inkaslirida, bu mudapi'e kiyimliri teywen musteqilchiliri we amérikadiki qollighuchilirigha qarshi urush éhtimalliqi üchün qilin'ghan teyyarliq, dep perez qilishmaqta.

Ular yene, mudapi'e kiyimining iqtidari bir qanche yilda ötüp kétidighanliqi, xitayning qisqa waqit ichide bu kiyimlerni teyyarlashqa bashlishidin teywen musteqilchiliri we ittipaqdashlirigha qarshi urushning mushu bir ikki yilda yüz bérish mumkinchilikidin dérek béridighanliqini égiri sürüshken.

Amérika dölet mudapi'e ministiri mark espér myunxén bixeterlik yighinida söz qilip, xitayning dunyagha tehdit ikenliki, xelq'ara jem'iyetning uyqusini ichishi kéreklikini tekitligen. 

Mark espér yene xitayning öz armiyesini 2035-yilighiche zamaniwilashturushni tamamlap, 2049-yilighiche dunyadiki aldinqi qatarda turidighan herbiy küchke ige bolidighanliqi we qoshna ellirige tehdit bolidighanliqini tilgha alghan idi.

Toluq bet