Xitay amérikaning "Shinjang tedbirliri" ge qarshi 4 neper amérika siyasiyoni we emeldarining xitayghq kirishini cheklidi

Muxbirimiz erkin
2020-07-13
Élxet
Pikir
Share
Print

Xitay hökümiti 13-iyul küni amérikaning yéqinda élan qilghan Uyghur diyaridiki kishilik hoquq depsenchilikige alaqidar "Jazalash tedbirliri" ge qarshi öch élip, amérikaning 3 neper siyasiyoni we bir neper emeldarigha émbargo yürgüzidighanliqini élan qildi.

Xitay tashqi ishlar ministirliqining bildürüshiche, amérika kéngesh palata ezasi marko rubiyo, téd kruz, awam palata ezasi kristofér simit we amérika hökümitining diniy erkinlik alahide bash elchisi sam browénbék qatarliq töteylenning xitaygha kirishi cheklen'gen.

Bu kishiler xitay hökümitining 3 milyondek musulmanni lagérlargha qamap, Uyghurlarni basturushi, ularning medeniyitini weyran qilishi, Uyghur nopusini kontrol qilishini qattiq tenqidlep kelgen. Bolupmu kéngesh palata ezasi marko rubiyo bilen kristifér simit "Uyghur kishilik hoquq siyasiti qanuni" ning otturigha qoyulushi we maqullunishida halqiliq rol oynighan idi. CNN Ning xewer qilishiche, xitay tashqi ishlar ministirliqining bayanatchi'asi xu'a chünying 13-iyul émbargo qararini élan qilip, amérikani "Xitayning ichki ishlirigha arilishishni toxtitishqa chaqiridighanliqi" ni bildürgen. Uning tekitlishchihe, "Shinjang mesilisi xitayning ichki ishi bolup, amérikaning buninggha arilishish hoquqi yoq," iken.

U özlirining "Weziyet tereqqiyatigha qarap, téximu ilgiriligen inkaslarda bolidighanliqi" ni bildürgen. Xitayning qarari amérika maliye ministirliqi ötken hepte xitayning Uyghur diyaridiki chén chüen'goni öz ichige alghan 4 neper emeldarigha émbargo qoyghanliqini élan qilip arqidinla élan qilindi. Amérikaning imbargosida bu kishilerning amérikada mal-mülükke ige bolushi, ularning amérikagha kirishi we amérikaning xelq'ara pul-mu'amile sistémisini ishlitishi cheklen'gen idi.

Toluq bet