Xitay dölet axbaratliri bes-bes bilen amérikini eyiblimekte

Muxbirimiz irade
2018-08-09
Élxet
Pikir
Share
Print

Amérika-xitay arisidiki soda urushi keskinlishiwatqan bir peytte xitayning dölet axbarat wasitiliri amérikigha qaratqan eyibleshlirini kücheytken.

Roytérs agéntliqining xewiridin qarighanda, peyshenbe küni xitay dölet téliwiziyesi s s t w qanili peyshenbe küni etigenki programmisida soda urushida amérikini "Qaraqchidek ish qilish" bilen eyibligen we shundaqla xitayning buninggha herqandaq usul bilen taqabil turidighanliqini jar salghan. 

Programma riyasetchisi sözide "Junggoning özining menpe'etini qoghdap qélishqa toluq ishenchi bar dégen sözning menisi chongqur" dégendek sözlerni ishletken. 

Roytérs agéntliqining éytishiche, xitayning hökümet awazi bolghan "Xelq géziti" charshenbe künidiki maqaliside "Eger amérika qaraqchidek heriket qilishtin toxtimisa bu soda urushi dawamliq keskinlishidighanliqi" ni eskertip amérikini agahlandurghan. 

Roytérs agéntliqining éytishiche, tramp hökümitining yéqinda xitayning 200 milyard dollarliq éksport mehsulatigha qoyulghan 10 pirsentlik tamozhna béjini 25 pirsentke östürüshi mumkinlikini élan qilishi xitayni qattiq bi'aram qilghan.

Emma amérika prézidénti tramp bir qanche kün awwal twittérda yazghan sözide xitay éksport mehsulatlirigha tamozhna béji qoyush istratégiyesining "Perez qilghandinmu yaxshi ünüm bergenliki" ni, béyjingning amérika bilen soda söhbiti ötküzüshni telep qiliwatqanliqini bildürgen idi.

Toluq bet