Хитай америкиниң тәйвәнгә һәрбий парахот сетип бериш қарариға етираз билдүрди

Мухбиримиз җүмә
2014-12-20
Елхәт
Пикир
Share
Принт


Хитай һөкүмити америкиниң тәйвәнгә һәрбий парахот сетип бериш қарариға етираз билдүрди.

Америка президенти обама пәйшәнбә күни бир қанун мақуллап, тәйвәнгә башқурулидиған бомба қоюп бериш иқтидариға игә 4 данә қоғдиғучи һәрбий парахот сетип беришини тәстиқлиған.

Бу америкиниң 2011 - йилидин буян тунҗи қетим тәйвәнгә һәрбий әслиһә сетип бериши.

Америка 2011 - йили тәйвәнниң F - 16 типлиқ күрәшчи айропиланлирини илғарлаштуруп бәргән иди.

Хитай ташиқи ишлар баянатчиси чин гаң җүмә күнидики баянатида, америкиниң тәйвәнгә қорал - ярақ сетип беришигә «кәскин қариши туридиғанлиқини» билдүргән.

У йәнә, америкиниң тәйвәнгә һәрбий парахот сетип бериши «хитайниң ичи ишиға қопаллиқ билән арилашқанлиқ» болидиғанлиқини қошумчә қилған.

Мәлум болушичә, америка бу нөвәттә тәйвәнгә сетип беридиған 4 һәрбий парахот 1980 йилларда ясалған вә йеқида вәзипидин қалдурулған, яки қалдурулуш алдида турған парахотлар икән.

Тәйвән даирилири бу парахотлардин бу йил иккини сетивалидиғанлиқини билдүргән.

Бу парахотларниң қанчә пулға сетилғанлиқи ашкариланмиған.

Пикирләр (0)
Share
Толуқ бәт