Америка генерали: "2025-йилиға барғанда хитай америка үчүн әң зор тәһдит болуп қалиду!"

Америка дөләт мәҗлисидә 26-сентәбир күни өткүзүлгән гуваһлиқ бериш йиғинида америка армийисиниң юқири дәриҗилик генераллиридин җосеф дунфорд мәхсус темида гуваһлиқ бәрди вә шуниңдәк алақидар соалларға җаваб бәрди.

С н н ниң хәвиригә қариғанда, генерал дунфорд илгири русийә, андин қалса хитай вә шималий корейә америка үчүн әң зор һәрбий тәһдит, дәп қарап кәлгән икән. Әмма сәйшәнбә күнидики гуваһлиқ бериш йиғинида у "шималий корейә нөвәттә бизгә җиддий тәһдит селиватиду, русийә болса ядро қораллири вә һәрбий иқтидари сәвәблик йәнила чоң һәрбий тәһдит. Әмма хитай 2025-йилидики әң чоң һәрбий тәһдит" дәп хуласә чиқарған.

У бу сөзлириниң хитайдики нопус вә иқтисадий қурулмини, шуниңдәк хитайниң һәрбий хираҗәт хам чотиниң сәрп қилиниш әһвалини әстайидил тәһлил қилиш асасида оттуриға қоюлғанлиқини тәкитлигән.

Мәлум болушичә, бәш бурҗәклик бина 2017-йили хитайниң һәрбий қуввитини мөлчәрләштә хитайниң һәрбий хираҗәт хам чотиниң 2007-йилидин 2016-йилиғичә йилиғичә оттура һесаб билән йилиға 8.5 Пирсәнттин ешип бериватқанлиқини елан қилған. Генерал дунфурд буниңға қарита "америкиму буниңға мас һалда кейинки бәш йил ичидә өзиниң һәрбий хираҗәт хам чотини йилиға 3 пирсәнттин 7 пирсәнткичә ашуруши лазим," дегән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар