Amérika générali: "2025-Yiligha barghanda xitay amérika üchün eng zor tehdit bolup qalidu!"

Muxbirimiz eziz
2017-09-27
Share

Amérika dölet mejliside 26-séntebir küni ötküzülgen guwahliq bérish yighinida amérika armiyisining yuqiri derijilik généralliridin joséf dunford mexsus témida guwahliq berdi we shuningdek alaqidar so'allargha jawab berdi.

S n n ning xewirige qarighanda, général dunford ilgiri rusiye, andin qalsa xitay we shimaliy koréye amérika üchün eng zor herbiy tehdit, dep qarap kelgen iken. Emma seyshenbe künidiki guwahliq bérish yighinida u "Shimaliy koréye nöwette bizge jiddiy tehdit séliwatidu, rusiye bolsa yadro qoralliri we herbiy iqtidari seweblik yenila chong herbiy tehdit. Emma xitay 2025-yilidiki eng chong herbiy tehdit" dep xulase chiqarghan.

U bu sözlirining xitaydiki nopus we iqtisadiy qurulmini, shuningdek xitayning herbiy xirajet xam chotining serp qilinish ehwalini estayidil tehlil qilish asasida otturigha qoyulghanliqini tekitligen.

Melum bolushiche, besh burjeklik bina 2017-yili xitayning herbiy quwwitini mölcherleshte xitayning herbiy xirajet xam chotining 2007-yilidin 2016-yilighiche yilighiche ottura hésab bilen yiligha 8.5 Pirsenttin éship bériwatqanliqini élan qilghan. Général dunfurd buninggha qarita "Amérikimu buninggha mas halda kéyinki besh yil ichide özining herbiy xirajet xam chotini yiligha 3 pirsenttin 7 pirsentkiche ashurushi lazim," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.