Xitayning enxuy yuqiri soti naheq sotlan'ghan 19 kishidin kechürüm soridi

Muxbirimiz méhriban
2015-09-08
Élxet
Pikir
Share
Print

Xitayning enxuy yuqiri soti7 - séntebir düshenbe küni gézitte élan chiqirip, naheq sotlan'ghan 19 kishidin kechürüm sorighan. Chet'el xewer agéntliqlirining ilgiri sürüshiche, bu xitay sot mehkimilirining tunji qétim naheq sotlan'ghanlardin ashkara kechürüm sorash herikiti hésablinidiken.

Xitay xewerliridin melum bolushiche, enxuy yuqiri soti enxuyda chiqidighan "Xawju kechlik géziti"ning 8 - séntebirdiki sanida chiqarghan élanida, meblegh aldamchiliqi bilen naheq eyiblen'gen bu 19 kishige yene erkinlikidin mehrum bolush, rohiy zerbige uchrash tölimi qatarliqlarningmu bérilidighanliqini alahide eskertilgen.

Xelq'ara metbu'atlardin birleshme agéntliqning seyshenbe küni bergen "Xitay soti xata délolardin ashkara kechürüm soridi" serlewhilik xewer analizida, xitaydiki shirketlerge chétishliq iqtisadiy déloda, xitay sotining 19 neper ziyankeshlikke uchrighuchining naheq sotlan'ghanliqni we ulargha melum miqdarda tölem bérilidighanliqini ashkara élan qilishi xitayning sot tarixidiki tunji weqe we yéngi bashlinish boldi, dégen bayanlar bérildi.

Toluq bet