Xitay hawa armiyisi talash - tartishtiki arallargha yéqin jayda heriket qildi

Muxbirimiz ümidwar
2016-09-25
Share


Xitay hawa armiyisi yekshenbe küni 40 dane her xil tiptiki küreshchi ayropilan chiqirip, hawa armiyisining gherbiy tinch okyan rayonida jeng qilish emeliy iqtidarini sinaq qilish élip bardi.

B b s agéntliqining xewer qilishiche, xitay hawa armiyisining mezkur ayropilanlar topi xitay tilida gonggu boghuzi, xelq'arada miyako boghuzi dep atilidighan xelq'araliq rayonda pa'aliyet qilidiken. Miyako boghuzi yaponiyige tewe miyako aralliri bilen okinawa aralliri arisigha jaylashqan bolup, bu jay xitaygha yéqin déngiz rayoni bilen gherbiy tinch okyanni tutashturidighan muhim xelq'araliq déngiz yoli hésablinidiken.

Xitay hawa armiyisining bayanatchisi hawa armiyisining 25 - séntebir küni bombardimanchi we hujumchi ayropilanlarni chiqirip, sherqiy déngizdiki hawa mudapi'e perq qilish rayonida charlash élip baridu, dégen. U yene bu heriketlerning xitayning igilik hoquqini qoghdash we bashqilarni meqset qilidighanliqini bildürgen.

Xitay hawa armiyisi pa'aliyet élip barghan bu rayon yene xitay bilen yaponiye arisidiki talash - tartishta turiwatqan sénkako ariligha 170 kilométir kélidiken.

Miyako boghuzi muhim herbiy ehmiyetke ige jay bolup,8 - ayda yaponiye da'irilirining 300 kilométir musapiliq bashqurulidighan bombisi yasap uni 20nechche yil ichide okinawa we miyako ariligha orunlashturidighanliqigha a'it uchurlar otturigha chiqqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet