Chet'el taratquliri xitay armiyesining ejellik ajizliqi ashkarilinip qalghanliqini xewer qildi

Muxbirimiz erkin
2021-09-20
Share

Xitay hökümiti öz xelqi we tashqi dunyagha herbiy küchining nahayiti qudretlik ikenlikini köz-köz qilishqa amraq bolsimu, biraq xitay özining bir qatar heriketliri arqiliq meqsetsiz rewishte bu ejellik ajizliqini ashkarilap qoyghan.

"Asiya soda" gézitining ashkarilishiche, xitay armiyisining eng ejellik ajizliqi uning jenggiwarliq rohining ajizliqi iken. Xewerde xitayning "Bir perzentlik" siyasiti buninggha türtke bolghan amillarning biri ikenliki, hazirqi xitay eskerlirining 70 pirsenti yalghuz perzent bolup, ularning urushta ölüshni xalimaydighanliqi ilgiri sürülgen.

Xewerde éytilishiche, bu amillar uning gherbidiki chöllük rayonlirida qit'eler ara yadroluq yéngi balistik bashqurulidighan bomba bazilirini qurushi, shundaqla bir perzentlik pilanliq tughut siyasitini bikar qilishigha türtke bolghan. Xewerde yene xitayning yéqinqi 10 yildin béri jenubiy déngizda sün'iy arallarni qurup, radar, bashqurulidighan bomba qatarliq herbiy eslihelerni, istiratégiyelik yadroluq su asti paraxotlirini orunlashturghan bolsimu, biraq urush partlap qalsa, xitayning bu rayonlarni qoghdap qélishqa ishenchisining yoqluqi bildürülgen.

Xewerde mutexessislerning bu amillar néme üchün xitayning gherbidiki chöllük rayonlarda aldirap-saldirap yéngi qit'eler ara bashqurulidighan bomba bazilirini qurushqa bashlishining sewebi, dep körsetkenliki tekitlen'gen. Xewerde éytishiliche, xitay ötken 25 yil ichide herbiy chiqimni köpeytip, herbiy parat we déngiz armiye maniwérlirini élip barghan bolsimu, biraq bashqurulidighan bomba we tanka herbiy küchning peqet bir terkibiy qismi bolup, uning jenggiwarliq rohigha oxshash közge körünmes yene bir qismimu bar iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet