Amérika xitayning axbarat erkinlikidin endishe qiliwatqanliqini bildürdi

Muxbirimiz erkin
2015-01-28
Share

Yuqiri derijilik bir neper amérika diplomatiye emeldari charshenbe küni béyjingda xitayning axbarat erkinlikidin qattiq endishe qiliwatqanliqini bildürdi.

Amérika dölet ishlar ministirliqining yardemchi ministiri wéndiy shérman béyjingda tekitlep, "Bizning axbarat erkinlikidin intayin endishe qiliwatqanliqimizda héchqandaq shübhe yoq. Xususen zhurnalistlarning bu eldiki xizmet qilish, turush, salahiyet mesiliside" dep körsetti. U yene "Bularning hemmisi intayin sezgür mesililer" dédi.

Béyjing shérmanning asiyadiki 3 döletke qilghan sepirining tunji békiti. U xitaydin kéyin jenubiy koréye bilen yaponiyeni ziyaret qilidu.

Amérika xitayning chet'el muxbirlirigha tutqan mu'amilisini izchil tenqid qilip kelgen. Xitay hökümiti ilgiri "Nyuyork waqti géziti", "Blumbérg" qatarliq amérika axbarat organlirining xitayda turushluq muxbirlirigha wiza bérishni ret qilghan. Chünki, ular bezi xitay rehberlirining mexpiy mal-mülkini ashkariliwetken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet