En'giliye xitayning chet elge qaratqan teshwiqat qanili CTGN ni cheklidi

Muxbirimiz erkin
2021-02-05
Share

En'giliye xitayning chet elge qaratqan teshwiqat qanili bolghan "Xitay yer shari téléwiziye tori" (CTGN) ning ruxsetnamisini bikar qilip, uning en'giliyediki tarqitishini toxtatqan. Birleshme agéntliqining xewer qilishiche, en'giliyening axbarat nazaret qilish aparati-ofkom (OFKOM) 4-yanwar CTGN ning terepsiz axbaratchiliq prinsipigha xilapliq qilishi, uning xitay kompartiyesi bilen bolghan alaqisi seweblik uning en'giliyediki tarqitish ruxsitini bikar qilghan.

CTGN Xewerlirini en'giliyede sün'iy hemra arqiliq heqsiz tarqitip kelgen. Bu qanal xewerliride xitay hökümitining teshwiqatini qilip, uning Uyghurlargha irqiy qirghinchiliq élip barghanliqi, lagérlargha qamighanliqi, jinsiy xorlash élip barghanliqi, mejburiy emgekke salghanliqi, xongkongdiki démokrattik heriketlerni basturghanliqini bir tereplimilik inkar qilipla qalmay, Uyghurlarni térorluqqa baghlap kelgen idi. Birleshme agéntliqining xeweride tekitlishiche, en'giliye axbarat we alaqe nazaret apparati kishilik hoquq teshkilatlirining shikayitige asasen bu qanal üstidin tekshürüsh élip barghan.

Kishilik hoquq teshkilatliri bu qanalning igidarchiliq hoquqi, uning programmilirida axbaratchiliqning adil we toghriliq prinsiplirigha xilapliq qilghanliqini shikayet qilghan. Birleshme agéntliqining bildürüshiche, ofkom 4-yanwar élan qilghan bayanatida, "Estayil oylishish arqiliq barliq delillerni, muxbir we anglighuchilarning pikir erkinlikini közde tutup, CTGN ning ruxsetnamisini etkes qilishni muwapiq korduq," déyilgen. Birleshme agéntliqining bildürüshiche, bu qarar xitayning bu teshwiqat qanili üchün qattiq zerbe iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet