Xitay fiji saqchilirigha "Namayishlarni tinjitish tejribisi" ni ögitidiken

Muxbirimiz irade
2014-11-06
Share


Xitay, fiji dölitining saqchilirini "Namayish we tuyuqsiz weqelerni bir terep qilish" boyiche terbiyileydiken. Fiji waqit gézitining charshenbe küni tarqatqan xewiridin qarighanda, 15 neper fiji saqchisi xitayning weqe bir terep qilish "Tejribiliri" ni öginish üchün, charshenbe küni xitaygha yürüp ketken.

Terbiyilesh ikki hepte dawam qilidighan bolup, bu saqchilarning wizisini xitayning fijide turushluq elchisi yang jawxuy öz qoli tapshurup bérip, ularni uzitip qoyghan. Igilinishiche, bu fijidin xitaygha bérip terbiyilinishke mangghan 3 - türküm saqchilar iken.

Mezkur xewer, chet'ellerdiki Uyghur élining weziyitini közitiwatqan közetküchilerning diqqitini qozghidi. Ular, xitayning "Tuyuqsiz weqelerni bir terep qilish" tejribisining herqandaq yosundiki naraziliq heriketlirini qattiq qolluq bilen basturushtin bashqa nerse emeslikini we buning Uyghurlarning naraziliq heriketlirini bir terep qilishta keng qollinilghanliqini bildürdi.

Kishilik hoquq organliri xitay hökümitining, Uyghur élidiki weqelerni tinjitishta "Heddidin ziyade küch we sotsiz ölüm wastisi" qolliniwatqanliqini eyiblep kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.