ئۇيغۇرلار خىتاي دۆلەت بايرىمىنىڭ 70 يىللىقىنى خىتايچە ئەنئەنىدە تەبرىكلەشكە مەجبۇرلاندى

مۇخبىرىمىز ئەزىز
2019-10-01
Share

ئۇيغۇرلار دىيارىنىڭ ھەرقايسى جايلىرىدا خىتاي خەلق جۇمھۇرىيىتى قۇرۇلغانلىقىنىڭ 70 يىللىقى تەبرىكلىنىۋاتقاندا ئۇيغۇرلارنىڭ خىتايچە ئەنئەنە بويىچە بۇ بايرامنى تەبرىكلەشكە مەجبۇرلىنىشى دىققەت قوزغىدى.

«تەڭرىتاغ» تورىنىڭ 30-سېنتەبىردىكى خەۋىرىدە ئېيتىلىشىچە، قەشقەر، ئۈرۈمچى، خوتەن، كورلا قاتارلىق جايلاردىكى ئۇيغۇرلار ئۆيلىرىنىڭ ئالدىغا خىتاينىڭ قىزىل بايرىقىنى ۋە خىتايچە خەتلىك قىزىل پانۇسلارنى ئاسقان. ئۇيغۇر ئۆسمۈرلىرىنىڭ مەڭزىگە بىر تۇتاش خىتاي بايرىقى تامغا شەكىلدە بېسىلغان. يەنە بەزى جايلاردا بولسا خىتايلارنىڭ ئاتالمىش «ئىنقىلابىي قۇربانلىرى» نىڭ قەبرىسىگە گۈلچەمبىرەك قويۇشقا تەشكىللەنگەن.

ئانالىزچىلار بۇ ھەقتە پىكىر قىلىپ، بۇنىڭ مۇستەملىكە ھاكىمىيەتلەر ھەرقاچان قوللىنىپ كەلگەن كونا ئۇسۇل ئىكەنلىكىنى بىلدۈردى. ۋاشىنگتون شەھىرىدىكى ئۇيغۇر پائالىيەتچىلەردىن ئىلشات ھەسەن بۇ توغرىلىق توختىلىپ: «خىتايلار ئۆزلىرىنىڭ بايرىقىنى ئۇيغۇرلارنىڭ يۈزىگە تامغا قىلىپ ئۇرالىغان بىلەن ئۇلارنىڭ قەلبىگە ئورنىتالمايدۇ» دېدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.