Xelq'ara kechürüm teshkilati: "Xitay chet'eldiki Uyghurlargha sistémiliq parakendichilik sélip kelmekte"

Muxbirimiz erkin
2020-02-21
Élxet
Pikir
Share
Print

Dunyadiki nupuzluq kishilik hoquq teshkilatlirining biri bolghan xelqara kechürüm teshkilati 21‏-féwral chet'eldiki Uyghurlar heqqide doklat élan qilip, xitayning cheteldiki Uyghurlargha sistémiliq parakendichilik sélip kéliwatqanliqini bildürgen.

Doklatta körsitilishiche, xitay hökümiti Uyghurlargha parakendichilik sélishta chet'eldiki elchixanilirini, alaqe yumtallirini we téléfon alaqisini qollanmaqta iken. Xelqara kechürüm teshkilati bu doklatni teyyarlashta bir yildin artuq waqit serp qilip, 22 dölettiki Uyghur diyaridin bolghan 400 dek Uyghur, qazaq, özbék we bashqa musulman az sanliq millet kishilirini ziyaret qilghan.

Doklatta "Ularning guwahliqi parakendichilik we qorqutushning her küni yüz bérip turidighanliqini échip berdi," déyilgen. Xelqara kechürüm teshkilatining tetqiqatchisi patrik pun mezkur doklat munasiwiti bilen élan qilghan bayanatida "Chet'eldiki Uyghurlarning heyran qalarliq bayanliri xitayning musulmanlarni basturushi öz chégrasidin halqip, nelerge qeder barghanliqini körsitip béridu," dégen. Doklatta yene "Dunyaning her qaysi elliridiki shinjang muhajirlirigha sahipxanlq qiliwatqan hökümetlerning tedbir qollinip, ularni)xitayning( paraklendichilikidin qoghdishining intayin muhim" ikenliki tekitlen'gen. 

Xelqara kechürüm teshkilatining mezkur doklati xitayning "Qaraqash höjjetliri" namliq qaraqash nahiyesining bostan ijtima'iy rayonida olturushluq Uyghur a'ililirige da'ir mexipi arxipi ashkarlinip, dunyada zor ghulghula qozghighan mezgilde élan qilindi. Kishilik hoquq teshkilatliri 137 betlik "Qaraqash höjjetliri" ni "Xitayning bigunah Uyghurlarni qara-qoyuq tutqun qilip, lagérlargha qamashtek insaniyetke qarshi jinayitini ispatlaydighan yene bir muhim delil," dep körsetken. Lékin xitay hökümiti "Qaraqash höjjetliri" ni xitaygha qarshi küchler toqup chiqarghan "Saxte höjjet" dep ret qilghan idi.

Toluq bet