"Tehdit astidiki milletler teshkilati" Uyghurlargha qaritilghan kontrolluq heqqide bayanat élan qildi

Muxbirimiz eziz
2017-10-16
Share

Uyghur diyarida hazirqi zaman yuqiri pen-téxnikisining Uyghurlarni téximu ünümlük kontrol qilishqa xizmet qildurulushi her sahe kishilirining endishilirini kücheytiwatqanliqi melum. "Tehdit astidiki milletler teshkilati" bu munasiwet bilen 13-öktebir küni bayanat élan qilip, xitayni bu jehette eyiblidi.

Bayanatta éytilishiche, xitay siyasiy-qanun komitétining mudiri méng jyenju bu yil séntebirde "Sün'iy eqil arqiliq térrorluqqa qarshi turush lazim" dep yolyoruq bergendin buyan Uyghur diyarida chiray tonush téxnikisi, sün'iy hemrah arqiliq nazaret qilish qatarliq wasitiler keng qollinilghan.

"Tehdit astidiki milletler teshkilati" ning re'isi ulrix déli'os bu heqte söz qilip, "Xitay dölitining bu wasitiler arqiliq Uyghurlarni nazaret qilmaqchi bolushi emeliyette ularning sherqiy türkistanda insan heqlirini ayaq asti qiliwatqanliqining bir ispati," dégen shuningdek bu xil nazaretning bashqa herqandaq jayda men'i qilin'ghan charilar ikenlikini eskertken.

"Tehdit astidiki milletler teshkilati" gérmaniyediki xelq'araliq insan heqliri teshkilati bolup, her xil tehditlerge duch kéliwatqan milletler, xelqler we yerlik jama'etlerni qoghdashni özige wezipe qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.