Америка билән японийәниң хитайға қарши бирликкә келишидин хитай биарам болған

Мухбиримиз җәвлан
2021-03-17
Share

"америка бирләшмә агентлиқи" ниң 17-март күни хәвәр қилишичә, хитай ташқий ишлар министирлиқи чаршәнбә күни (17-март) баянат елан қилип, америка билән японийәни "хитайниң ташқий сияситигә зәһәрхәндилик билән һуҗум қилди, хитайниң ичкий ишлириға арилашти" дәп әйиблигән.

Хитайниң бу баянати америка ташқий ишлар министири антони билинкенниң аляскада хитай ташқий ишлар мәслиһәтчиси яң җйечи вә хитай ташқий ишлар министири ваң йи билән көрүшүш һарписиға тоғра кәлгән.

Хәвәрдә ейтилишичә, америка ташқий ишлар министири антони билинкен билән америка дөләт мудапийә министири лойд остин 16-март күни японийә баш вәзири вә японийә дөләт мудапийә министири билән көрүшкәндин кейин улар демократийә вә кишилик һоқуқниң еғир хирисқа учраватқанлиқи, хитайдин келиватқан тәһдиткә бирликтә тақабил турушниң зөрүрлүки һәққидә бир пикиргә кәлгән вә бирләшмә баянат елан қилған. Бу баянатта японийә тәрәпниңму тәйвәнниң тәһдиткә учраватқанлиқи, уйғур районидики кишилик һоқуқ дәпсәндичилики, хитайниң җәнубий деңиздики иғвагәрчилики қатарлиқ мәсилиләрдин әндишә қиливатқанлиқи билдүрүлгән.

Хәвәрдә көрситилишичә, америка билән японийәниң демократийә вә кишилик һоқуқ мәсилисидә бирликкә келип, хитайға қарши бирлик сәп түзүши хитайни наһайити биарам қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт