Amérika bilen yaponiyening xitaygha qarshi birlikke kélishidin xitay bi'aram bolghan

Muxbirimiz jewlan
2021-03-17
Share

"Amérika birleshme agéntliqi" ning 17-mart küni xewer qilishiche, xitay tashqiy ishlar ministirliqi charshenbe küni (17-mart) bayanat élan qilip, amérika bilen yaponiyeni "Xitayning tashqiy siyasitige zeherxendilik bilen hujum qildi, xitayning ichkiy ishlirigha arilashti" dep eyibligen.

Xitayning bu bayanati amérika tashqiy ishlar ministiri antoni bilinkénning alyaskada xitay tashqiy ishlar meslihetchisi yang jyéchi we xitay tashqiy ishlar ministiri wang yi bilen körüshüsh harpisigha toghra kelgen.

Xewerde éytilishiche, amérika tashqiy ishlar ministiri antoni bilinkén bilen amérika dölet mudapiye ministiri loyd ostin 16-mart küni yaponiye bash weziri we yaponiye dölet mudapiye ministiri bilen körüshkendin kéyin ular démokratiye we kishilik hoquqning éghir xirisqa uchrawatqanliqi, xitaydin kéliwatqan tehditke birlikte taqabil turushning zörürlüki heqqide bir pikirge kelgen we birleshme bayanat élan qilghan. Bu bayanatta yaponiye terepningmu teywenning tehditke uchrawatqanliqi, Uyghur rayonidiki kishilik hoquq depsendichiliki, xitayning jenubiy déngizdiki ighwagerchiliki qatarliq mesililerdin endishe qiliwatqanliqi bildürülgen.

Xewerde körsitilishiche, amérika bilen yaponiyening démokratiye we kishilik hoquq mesiliside birlikke kélip, xitaygha qarshi birlik sep tüzüshi xitayni nahayiti bi'aram qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet