Биңтуән даирилири бултурқи чириклик делолири вә җазаланған әмәлдарларни елан қилди

Мухбиримиз меһрибан
2015-01-20
Share

Хитайниң җуңго хәвәрләр ториниң 20-январдики хәвиридә, уйғур елидики ишләпчиқириш қурулуш армийиси йәни биңтуән тәвәликидә 2014-йили ашкариланған вә бир тәрәп қилинған чириклик делолири вә һөкүмәт әмәлдарлириниң сани елан қилинди.

Мәлум болушичә, уйғур елидики "мустәқил кинәзлик" дәп тәрипләнгән ишләпчиқириш қурулуш армийисидә 2014-йили бир тәрәп қилинған чириклик делолири 253 кә йетип, 2013-йилдикидин 11% ашқан. Чириклик, парихорлуқ делолири билән җазаланған һөкүмәт әмәлдарлири 2014-йили 327 гә йетип, 2013-йилдикидин 31% ашқан.

Хитай хәвәрлиридин мәлум болушичә, бултурдин буян хитайда давамлишиватқан "чирикликкә зәрбә бериш" һәрикитидә 50 тин артуқ өлкә дәриҗилик һөкүмәт әмәлдари бир тәрәп қилинған болуп, буларниң ичидә ишләпчиқириш қурулуш армийисиниң муавин секретари яң гаңму тилға елинған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт