Xitay kompartiyesi siyasiy byurosi “Dölet bixeterlik istratégiye tézisi” maqullighan

Muxbirimiz qutlan
2015.01.26

Junggo Uyghurche radi'o torining xewirige qarighanda, xitay kompartiyesi siyasiy byurosi 24-yanwar küni “Dölet bixeterlik istratégiye tézisi” maqullighan.

Uningda mundaq dep körsitilgen: nöwette xelq'ara weziyette jiddiy özgirish boluwatidu, junggo jem'iyitide we iqtisadida zor özgirish yüz bériwatidu, ijtima'iy ziddiyetler künsayin köpeymekte. Aldin körgili bolidighan we aldin körüsh tes bolghan dölet xewpsizliki jehettiki xeter we xirislar mislisiz kücheymekte. Shunga xatirjem shara'itta turghanda, xewp-xeternimu oylash kérek. “Dölet bixeterlik istratégiye tézisi” ni tüzüsh we yolgha qoyush-dölet xewpsizlikini ünümlük qoghdashning jiddiy éhtiyaji, döletni idare qilish sistémisi we iqtidarini téximu zamaniwilashturushning muqerrer telipi.

Uningda yene xitaydiki memliketlik xelq qurultiyi, xitay dölet ishliri kabinéti, siyasiy kéngesh, aliy xelq sot mehkimisi, aliy xelq teptish mehkimisi qatarliq orunlarning idiye, siyasiy we heriket jehette shi jinping rehberlikidiki xitay kompartiyesi bilen bashtin-axir yüksek birdeklikni saqlishi telep qilin'ghan.

Közetküchiler, xitay kompartiyesining mezkur tézisni maqullishi emeliyette özliri ichki jehette duch kéliwatqan jiddiy xirisni hés qilghanliqi we xitay kompartiyesining ömrini uzartishi üchün tirkishiwatqanliqining ipadisi, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.