Хитайда бир йолучилар аптобусиға от кетип 10 адәм өлгән

Мухбиримиз җүмә
2014-03-05
Елхәт
Пикир
Share
Принт

Чаршәнбә күни хитайниң җилин өлкисидә бир йолучилар аптобусиға от кетип 10 адәм өлгән, 17 адәм яриланған.

Җилин өлкиси бу һәқтә тарқатқан учурға қариғанда, аптобусқа от чаршәнбә күни әтигәндә кәткән. Әйни чағда бу аптобуста 43 нәпәр йолучи бар икән.

Һазирчә аптобусқа отниң қандақ кәткәнлики намәлум болуп, нөвәттә сақчилар от кетиш сәвәблирини тәкшүрмәктә икән.

Мәзкур вәқә, бу бир һәптә ичидә хитайда йүз бәргән иккинчи қетимлиқ аптобусқа от кетиш вәқәсидур.

Өткән пәйшәнбә күни гүйяң шәһиридики су фамилик бир хитай әр җәмийәткә наразилиқини ипадиләш үчүн аптобусқа от қойған.

Бу вәқәдә 6 йолучи өлгән, 25 йолучи яриланған иди.

Кейин бу хитай әр аялини нашаян ишларни қилди, дәп гуманлидиған болғанчқа, буниң ачиқида әқлидин езип, шундақ қилғанлиқини иқрар қилған.

Өткән йили шямен шәһиридә бир хитай әр бир йолучилар аптобусиға от қоюп, өз билән қошуп 46 адәмни өлтүргән.

Буни хитай ахбаратлири җәмийәткә нарази болуштин келип чиққан һадисиләр дәп изаһлиған иди.

Пикирләр (0)
Share
Толуқ бәт