Xitayda bir yoluchilar aptobusigha ot kétip 10 adem ölgen

Muxbirimiz jüme
2014-03-05
Share

Charshenbe küni xitayning jilin ölkiside bir yoluchilar aptobusigha ot kétip 10 adem ölgen, 17 adem yarilan'ghan.

Jilin ölkisi bu heqte tarqatqan uchurgha qarighanda, aptobusqa ot charshenbe küni etigende ketken. Eyni chaghda bu aptobusta 43 neper yoluchi bar iken.

Hazirche aptobusqa otning qandaq ketkenliki namelum bolup, nöwette saqchilar ot kétish seweblirini tekshürmekte iken.

Mezkur weqe, bu bir hepte ichide xitayda yüz bergen ikkinchi qétimliq aptobusqa ot kétish weqesidur.

Ötken peyshenbe küni güyyang shehiridiki su familik bir xitay er jem'iyetke naraziliqini ipadilesh üchün aptobusqa ot qoyghan.

Bu weqede 6 yoluchi ölgen, 25 yoluchi yarilan'ghan idi.

Kéyin bu xitay er ayalini nashayan ishlarni qildi, dep gumanlidighan bolghanchqa, buning achiqida eqlidin ézip, shundaq qilghanliqini iqrar qilghan.

Ötken yili shyamén shehiride bir xitay er bir yoluchilar aptobusigha ot qoyup, öz bilen qoshup 46 ademni öltürgen.

Buni xitay axbaratliri jem'iyetke narazi bolushtin kélip chiqqan hadisiler dep izahlighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet