Xitay hökümiti 2-dunya urushini xatirilesh murasim küni 850 ming puqrani bixeterlikni saqlashqa salidu

Muxbirimiz irade
2015-08-20
Share

Xitay hökümiti 2-dunya urushini xatirilesh murasimi küni 850 ming neper sheher puqrasini bixeterlikni saqlashqa salidiken. Shinxu'a agéntliqi xewiride, bu kishilerning terbiyilen'genlikini, ularning murasim küni sheherning herbir bulung-puchqighigha, dukan-saraylarghiche orunlashturulup, bayqalghan gumanliq ehwallarni saqchigha melum qilidighanliqini bildürgen.

Xitay hökümiti 2-dunya urushida yaponiye üstidin ghelibe qilghanliqining 70 yilliqini 3-séntebir küni zor murasim bilen kütüwélishqa teyyarlanmaqta. Firansiye agéntliqining éytishiche, xitay bu murasimni saq-salamet ötküzüwélish üchün bixeterlik tedbirlirini mislisiz kücheytmektiken. Bu shenbe künidin étibaren béyjingdiki tyen'enmén meydani we gugung sariyining shimaliy éghiz etrapliri ikki hepte boyiche ziyaretke taqilidiken. Bundin bashqa yene, tyen'enmén meydani we uning etrapidiki wangfujing soda merkizide bu shenbe küni we murasim küni kochigha chiqish men'i qilinidiken.

Firansiye agéntliqi bu heqtiki xewiride, xitay kompartiyisining her yili bir qétim dégüdek mushundaq murasimlar arqiliq özining küchini namayan qilidighanliqi, bolupmu uning yéqinqi yillardin buyan yaponiyening xitaygha qilghan tajawuzchiliqini teshwiq qilishta barghanséri esebiyliship kétiwatqanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet