Хитайдики бир деһқан базириға от кетип 16 адәм өлгән

Чаршәнбә күни хитайдики бир деһқан базириға от кетип 16 адәм өлгән. Йәрлик һөкүмәт даирилириниң билдүрүшичә, апәт чаршәнбә күни таң сәһәрдә шенҗен шәһиригә җайлашқан роңҗаң деһқанчилиқ мәһсулатлирини топ тарқитиш базирида йүз бәргән.

Шенҗен шәһәрлик һөкүмәт бу һәқтә елан қилған баянатида, отниң шу җай вақти әтигә саәт 1 йеримда кәткәнлики вә чүштин кейин саәт 3 тә өчүрүлгәнликини билдүргән.

Мәлум болушичә, бу нөвәтлик отта базарниң 1 миң квадрат метир қисми көйүп, күл болуп кәткән.

Баянатқа қариғанда, апәттә 16 адәм өлгән, бәш адәм яриланған. Һалбуки, даириләр отниң қандақ кәткәнликини һәққидә бир нәрсә демигән.

Бу йил июн җилиндики бир қуш мәһсулатлири завутида от кетип, 120 адәм өлгән иди.