Хитайға тәвә деңизларниң сулири еғир дәриҗидә булғанған
Хитай дөләтлик деңиз ишлири идарисиниң бүгүн елан қилған доклатида хитайға тәвә деңиз сулириниң көп қисминиң еғир дәриҗидә булғанғанлиқи билдүрүлди. Униңда ейтилишичә, 2014 - йили елип берилған тәкшүрүш нәтиҗисидин қариғанда, хитайдики деңиз сүйиниң 81 пирсәнти еғир булғанған болуп, бу асаслиқ яңзиҗяң дәрясиниң деңизға қуюлидиған еғизи вә җуҗяң дәря делтисидики муһит булғиниши билән бағлинишлиқ икән.
Доклатта, деңиз сүйи учриған бу еғир талапәткә “муһит булғиниши, инсанларниң бузғунчилиқ қилиши вә байлиқ мәнбәлирини шиддәт билән ечиш” тин ибарәт үч хил амил асаслиқ сәвәбчи дәп көрситилгән.
Көзәткүчиләр юқиридики доклатни хитай һөкүмитиниң муһитни булғаватқан завут - карханиларни рәткә селиш вә муһит булғиниши билән күрәш қилиш шуариниң әмәлгә ашмиғанлиқиниң рошән бир ипадиси, дәп көрсәтти. Илгири елан қилинған доклатларда хитайдики һава булғиниши, ичимлик су вә терилғу йәр булғиниш мәсилилириниңму җиддий һалда икәнлики көрситилгән иди.
- Америка уйғур академийәсиниң 3-нөвәтлик сайлимида алдинқи хизмәтләр хуласилинип йеңи пиланлар оттуриға қоюлди
- Бәхтияр бөрә: “мән уйғур, мән террорчи әмәс, ирқий қирғинчилиқни тохтат”
- Нури түркәл: “мениң комиссарлиқ хизмитим болсун вә яки һазирқи рәислик хизмитим болсун һәммиси асаслиқ уйғурларниң хизмитини қилишни мәркәз қилған”
- Б д т ниң ички қисмидики нишаниға мухалип қилмишлири вә уйғур мәсилиси
- Дуня мусапирлар күнидә уйғур мусапирлирини канадаға йәрләштүрүш һәққидә тәклип лайиһәси сунулди
