Хитайдики бир христиан черкавиниң миң нәпәр әзаси қолға елинған

Америка ахбаратиниң чаршәнбә күни хәвәр қилишичә, даириләр хитайдики бир христиан черкавиниң миң нәпәр әзасини қолға алған.

CNN Дә шинхуа ахбаратидин нәқил елип көрситишичә, мәзкурләр “пәрвәрдигар черкави” дәп атилидиған бир диний мәзһәпниң әзалири икән.

“пәрвәрдигар черкави” 1990 - йили хунәндә қурулған вә хитайниң башқа җайлириға таралған бир христиан җәмийити икән.

Мәзкур черкавниң әзалирини тутқун қилиш өткән бир нәччә айдин буян давам қилған.

Америка CNN хәвәрләр ториниң көрситишичә, хитай даирилири бу черкавниң әзалирини адәм өлтүрүш, булаңчилиқ қилиш, қанунсиз мәбләғ топлаш қатарлиқ җинайәтләр билән әйиблигән.

Хитай даирилири мәзкур черкав әзалириниң бу йил майда шәндуңниң җавюән шәһиридә бир аялни уруп өлтүрүвәткәнлики, шундин кейин улар үстидин тәкшүрүш башлиғанлиқини билдүргән.

Илгирики хәвәрләрдә даириләрниң мәзкур черкавға тәвә 1500 адәмни қолға алғанлиқи, 59 адәмни җазаға тартқанлиқи илгири сүрүлгән иди.

90 - Йилларда хитайда кәң таралған фалунгоң “бидәт” дәп қарилип, мортлири түркүм - түркүмләп түрмиләргә ташланған.

Кейин буларниң түрмиләрдә һәрхил хорлуқларни тартқанлиқи вә өлтүрүлгәнлики илгири сүрүлгән иди.