Xitay da'iriliri 10 xil kishilerning ayropilan'gha chiqishini cheklimekchi

Muxbirimiz erkin
2018.04.06

Yéqinda xitayning döletlik islahat-tereqqiyat komitéti, xelq awi'atsiye idarisi, aliy sot, maliye ministirliki qatarliq organliri ortaq höjjet chüshürüp, 10 xil kishilerning ayropilan'gha chiqishini chekleydighanliqini élan qilghan.

Xitay axbarat wasitilirining xewer qilishiche, “Ayropilanda éghir sewenlik sadir qilghan kishilerni cheklesh, ijtima'iy kridit sistémisi qurulushi algha sürüsh heqqidiki pikir” namliq höjjetning 1‏-maydin bashlap ijra qilinidighanliqini bildürgen.

Höjjette körsitishiche, térrorluqqa da'ir saxta uchur tarqitish we oydurush, saxta kimlik yasash, bashqilarning kimlikini ishlitish, ayrodromda qalaymiqanchiliq peyda qilish, cheklen'gen buyumlarni élip méngish, ayropilanida tertipsizlik qilish, yaki ayropilanning yolini tosush, ayropilan xadimlirigha tosqunluq qilish, ulargha tehdit sélish, ayropilanning ichide jédel-majira chiqirish qatarliq qilmishlarni sadir qilghan shexslerning ayropilan'gha olturushi cheklinidiken.

Mezkur belgilimining Uyghurlargha qanchilik tesir qilidighanliqi melum emes. Lékin, dunya Uyghur qurultiyining qarishiche, bu belgilime Uyghurlargha qattiq tesir körsitip, ularning ayropilan'gha olturup sayahet qilishini téximu qiyinlashturidu.

D u q ning re'isi dolqun eysa jüme küni mezkur belgilimige inkas bildürüp, “Bu yéngi belgilime Uyghurlarning ayropilan'gha olturushi, xitay chégrasi ichidimu bir sheherdin bir sheherge bérish hoquqiningmu qattiq cheklinidighanliqini körsitidu” dédi.

Xitay hökümiti burundinla Uyghurlarning ayropilan'gha olturup seper qilishini qattiq kontrol qilip, ulargha alahide bixeterlik tekshürüsh tüzümi yürgüzüp keldi. Közetküchilerning ilgiri sürüshiche, xitay hökümiti milliy we diniy xahishi küchlük nurghun Uyghurlarni ishenchsiz kishiler tizimlikige kirgüzüp qoyup, ularni ayropilan'gha olturup seper qilalmaydighan ehwalgha chüshürüp qoyghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.