Xitay, sayahetchi puqralirini türkiyede bulangchiliqqa uchrashtin saqlinishqa agahlandurghan

Muxbirimiz shöhret hoshur
2015.12.24

Xitayning enqere elchixanisi22 ‏-dékabir öz tor bétide bir uqturush élan qilip, xitay sayahetchilerni bulangchiliq we aldamchiliqqa yoluqushtin saqlinish heqqide agahlandurghan.

Melum bolushiche, mezkur uqturushta yéqinda türkiyede xitay sayahetchilerning bulinish we aldinish weqeliri yüz bergenliki ilgiri sürülüp, sayahetchilerning ayrodromdin chiqishta we méhmanxanigha jaylashqanda somka-chamdanlirini yaxshi orunlashturushi tewsiye qilin'ghan.

Türkiyediki Uyghurche “Istiqlal” tori türkiye axbaratining erkinlikini, eger sayahetchilerge qarita birer bulangchiliq yaki aldamchiliq weqeliri yüz berse buning choqum ashkarilinidighanliqini otturigha qoyup, xitay terepning mezkur uqturush arqiliq wetendashliri arisida türkiyening obrazini xunükleshtürüshke urunuwatqanliqini ilgiri sürgen.

Ilgiriki türkiye xewerliridin melum bolushiche, tayland hökümiti 100 nechche Uyghurni xitaygha qayturup bergende, türkiyede keng kölemlik naraziliq namayishliri yüz bergen, bu jeryanda bezi xitay réstoranlirining ishik, dériziliri urup chéqiwétilgen, emma bulash-talash yüz bermigen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.