Чәтәлләрдики хитай демократик җәмийәтлири ху явбаңни хатирилиди

Мухбиримиз үмидвар
2015-11-23
Share


20 - Ноябир күни америкиниң нюйорк шәһиридә чәтәлләрдики бир қисим хитай демократик аммиви тәшкилатлири вәкиллири җәм болуп, хитай компартийәсиниң 80 - йиллардики рәһбири ху явбаң туғулғанлиқиниң 100 йиллиқини хатириләп, мәхсус муһакимә йиғини өткүзгән.

Бу қетимқи муһакимә йиғинини "ху явбаң вә җав зияңни хатириләш фонди җәмийити" дәп аталған бир орун тәшкиллигән болуп, буни йәнә "бейҗиң баһари"җурнили тәһрирати, "хитай демократик парийәси комитети","нюйорк мунбири" қатарлиқ орунлар қоллиған.

Америка авазиниң хәвәр қилишичә, хитай демократик өктичилириниң нийоркта өткүзүлгән муһакимә йиғинда юқирида нами қәйт қилинған җәмийәтләрниң вәкиллиридин башқа йәнә чәтәлдә яшайдиған бир қисим тонулған хитай сиясий вәзийәт мутәххәсислиридин ху пиң, ваң җүнтав вә башқиларму пикир баян қилған.

Нийорокта өткүзүлгән йиғинниң асаслиқ муһакимә темиси ху явбаңниң әйни вақитта һоқуқтин чүшүрүлүш сәвәблири вә униң 1989 - йилидики бейҗиң тйәнәнмен оқуғучилар һәрикити билән болған мунасивити, ху явбаңниң сиясий ислаһатчилиқ қариши вә позитсийәси, шуниңдәк йәнә һазирқи хитай компартийәси рәһбири ши җинпиңниң тутқан йоли вә кәлгүси сиясий йөнилишлири қатарлиқ түрлүк мәсилиләргә қаритилған.

Мутәхәссисләр ху явбаңниң хитай компартийәси рәһбәрлири ичидә ислаһатчилиқ хаһиши күчлүкрәк, җүмлидин аз санлиқ милләтләргә, болупму тибәт вә уйғур райониға қаритилған сиясәттиму ислаһат елип бериш пикирини оттуриға чиқарған шәхс икәнликини көрситиду.

Шинхуа агентлиқиниң хәвәр қилишичә,20 - ноябир күни, хитай компартийәси мәркизи комитетиму бейҗиңдики хәлқ сарийида ху явбаң туғулғанлиқиниң 100 йиллиқини хатириләш сөһбәт йиғини ачқан болуп, йиғинда хитай дөләт рәиси ши җинпиң сөз қилип, ху явбаңниң һаятиға юқири баһа берип,униң "инқилаб, қурулуш вә ислаһатқа зор төһпә қошқанлиқи"ни тәкитлигән.

Йиғинға сиясий бийорониң даимий һәйәт әзалири иштирак қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт