Бир хитай дипломат үстидин уни б д т гә дәссәтмәслик һәққидә шикайәт сунулған

Мухбиримиз шөһрәт һошур
2018-03-21
Елхәт
Пикир
Share
Принт

«Америка авази» радийосиниң хәвәр қилишичә, түнүгүн җәнвәдә ечилған б д т ниң кишилик һоқуқ йиғини башлиништин бурун йиғинға кәлгән хитай һөкүмәт вәкиллири гурупписидики бир хадим хитай өктичи зат яң җйәнлигә тәһдит салғанлиқи үчүн бир назарәтчи тәрипидин мәзкур хитай вәкилни буниңдин кейин б д т дики йиғинларға дәссәтмәслик һәққидә б д т кишилик һоқуқ комитетиға шикайәт сунулған.

Мәлум болушичә, йиғин башлиништин аввал мәзкур хитай хадим йиғин залиға кириватқан яң җйәнлини тохтавсиз рәсимгә тартқан. Хәвәрдә дейилишичә, у бу һәрикити арқилиқ яң җйәнлигә тәһдит салмақчи болған. Бу һәқтә пикир баян қилған яң җйәнли, «у хадим мени қорқутмақчи болди, әмма ғәлибә қилалмиди,» дегән.

У йәнә өзиниң бу хил тәһдитләргә көп учриғанлиқи, һәтта өлүм тәһдитигә учриғандиму қорқмиғанлиқини хитай һөкүмәт вәкиллириниң есидин чиқармаслиқини алаһидә әскәрткән.

Нөвәттә чәтәлләрдә көзгә көрүнгән хитай демократчилиридин бири болған яң җйәнли уйғур паалийәтчиләрдин дуня уйғур қурултийиниң алий рәһбири рабийә қадир ханим вә қурултайниң нөвәттики рәиси долқун әйсалар билән изчил һалда һәмкарлишип кәлмәктә.

У алдинқи йили түркийәдә өткүзүлгән бир қетимлиқ шәрқи түркистан паалийитигә қатнишиватқан мәзгилдә хитай дөлитиниң уйғурларға узун йиллардин бери көп зулум салғини тилға елип, хитай хәлқи намидин уйғурлардин кәчүрүм сорайдиғанлиқини билдүргән иди.

Пикирләр (0)
Share
Толуқ бәт