Amérika xitayni dini erkinlik jehette "Alahide endishe qozghawatqan dölet" dep bahalidi

Muxbirimiz irade
2018-01-04
Share

Amérika xitayni dini erkinlik jehette "Alahide endishe qozghawatqan dölet" dep bahalidi. Bügün amérika dölet ishliri ministirliqi 1988 yili maqullan'ghan "Xelq'ara diniy erkinlik qarari" gha asasen xitay qatarliq 10 döletni dini erkinlik jehette "Alahide endishe qozghawatqan döletler" qatarigha kirgüzdi.

Amérika dölet ishliri ministirliqining bayanatchisi hétér na'ortning nami bilen élan qilin'ghan bayanatta, dunyadiki nurghun jaylarda kishilerning peqet özining diniy étiqadi seweblik ziyankeshlikke uchrawatqanliqi, naheq eyiblinip, türmilerge soliniwatqanliqi bayan qilin'ghan. Uningda yene diniy erkinlikni muhapizet qilishning tinchliq, muqimliq we bayashatliq üchün kem bolsa bolmaydighan bir amil ikenliki eskertilgen.

Bayanattin melum bolushiche, amérika bu yil xitay, bérma, éritériye, iran, shimali'iy koriye, sudan, se'udi erebistan, tajikistan, türkmenistan we özbékistan qatarliq on döletni "Alahide endishe qozghawatqan döletler" qatarigha kirgüzgen. Pakistanni bolsa "Pewqul'adde közitilishke tégishlik dölet" dep bahalighan.

Bayanatta amérikaning yuqiriqi döletlerdiki dini erkinlik weziyitini yaxshilash üchün herqaysi hökümetler, ijtima'iy teshkilatlar, dini rehberler bilen birlikte xizmet qilidighanliqi we dunyada diniy erkinlikni teshebbus qilishni'a dawam qilidighanliqi eskertilgen.

Ilgiri amérika dölet mejlisige qarashliq xitay ishliri komitéti élan qilghan doklatlardimu xitayning Uyghurlar, tibetler we falun'gung murtliri qatarliq millet we dini guruppilargha qattiq bésim qilip, ularning diniy pa'aliyetlirini cheklewatqanliqi bayan qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet