Tramp hökümiti xitay kompartiyesining ezaliri we ularning a'ile-tawabi'atlirigha wiza cheklimisi qoyushni oylashmaqtiken

Muxbirimiz irade
2020-07-16
Élxet
Pikir
Share
Print

Tramp hökümiti xitaydiki barliq kompartiye ezaliri we ularning a'ile tawabi'atlirigha wiza cheklimisi qoyushni oylashmaqtiken.

Prézidént trampning etrapidiki yéqin kishilerning "Nyu-york waqti géziti" ge éytishiche, tramp hökümitidikiler bu qarar üstide muzakire élip bériwatqan bolup, eger bu qarar maqullinip qalsa, alliqachan amérikagha kirip bolghan xitay kompartiyesining ezaliri we ularning a'ile-tawabi'atlirining wizaliri bikar qilinidilen, hetta ularning amérikadin qoghlap chiqiriwétilishi mumkin iken.

"Nyu-york waqti géziti" ning éytishiche, aqsaray, amérika tashqi ishlar ministirliqi we amérika dölet mudapi'e ministirliqi emeldarliri yuqiriqi bu wiza cheklimisi heqqidiki munazilerge ishtirak qiliwatqan iken. Eger bundaq keng kölemdiki wiza cheklimisi heqiqeten ishqa kirishse, bu 2018-yili ikki dölet otturisidiki soda urushi bashlan'ghandin buyan amérika xitaygha qaratqan qaratqan eng zor heriketlerning biri bolush bilen birge yene ikki dölet otturisidiki soghuq urushining yarqin ipadisi bolup qalidiken.

Melum bolushiche, xitayda 92 milyon neper kompartiye ezasi bar bolup, bu heqtiki muzakirilerde barliq kompartiye ezalirigha emes, belki aldi bilen xitay kompartiyesining siyasetlirini belgileydighan xitay kompartiyesi merkiziy komitéti siyasiy byurosining 25 neper ezasi we ularning a'ile tawabi'atlirigha wiza cheklimisi qoyush algha sürülmektiken.

Amérika hökümiti Uyghur élidiki zulumda rol alghan chén chüen'go, ju xeylun qatarliq 4 neper xitay emeldarini "Yer shari magnétisiy qanuni" arqiliq jazalighan. Chén chüen'go xitay kompartiyesi siyasiy byurosining ezasi bolush süpiti bilen hazirghiche jazalan'ghan eng yuqiri derijilik xitay emeldari bolup qalghan. Amérika tashqi ishlar ministirliqi aldinqi künila Uyghur élidiki zulumgha ishtirak qilghan xu'awéy qatarliq téxnika shirketlirining xadimlirigha wiza cheklimisi élan qilghan idi.

Toluq bet