Xitay dölet statistika idarisining bashliqi tekshürüshke yollandi
2016.01.26
Xitay merkizi intizam tekshürüsh komitéti torining 26-yanwar élan qilghan uqturushida, xitay dölet statistika idarisining partkom sékrétari, idare bashliqi wang baw'enning intizamgha éghir xilapliq qilish bilen eyiblinip, teshkilning tekshürüshige yollan'ghanliqi élan qilindi.
Xitay merkizi intizam tekshürüsh komitéti peqet yuqiriqi bir jümle uchurnila élan qilghan bolup, wang baw'enning néme sewebtin tekshürülüwatqanliqi heqqide konkrét toxtalmighan.
Xelq'ara taratqulardin en'gliye b b s agéntliqining bu heqtiki xewiride, xitay döletlik statistika idarisining bashliqi wang baw'enning xitay intizam tekshürüsh komitétining yuqiriqi uqturushidin birnechche sa'et ilgiri iqtisad uchurliri heqqidiki bir yighinda muxbirlargha bayanat bergenliki tilgha élinip, uning intizamgha xilapliq qilghanliqi heqqide tekshürüsh élan qilinishidin eng axirqi minutlarghiche xewersiz ikenliki ilgiri sürüldi.