Xitay dölet xewpsizlik ministirliqining mu'awin ministiri ma jyen parixorluq qilmishi bilen tekshürülgen

Muxbirimiz qutlan
2017-02-06
Élxet
Pikir
Hembehr
Print
  • Print
  • Hembehr
  • Pikir
  • Élxet

Shi jinpingning "parixorluq" we "chiriklik" ke qarshi tazilash herikiti dawamida xitay hökümitining yuqiri derijilik emeldarlirining dawamliq türde "owlash nishani" qiliniwatqanliqi melum.

Birleshme agéntliqning bügün béyjingdin bergen xewirige qarighanda, xitay dölet xewpsizlik ministirliqining mu'awin ministiri ma jyen teptish organliri teripidin resmiy délo turghuzulup tekshürülmektiken.

Xitay memliketlik aliy sot mehkimisi teptish ishxanisining bildürüshiche, ma jyenning délosi nöwette "mejburiy wasite" qollinip délosini tekshürüsh basquchida turmaqtiken.

Igilinishiche, ma jyen 2006-yilidin buyan xitay dölet xewpsizlik ministirliqining mu'awin ministiri bolup wezipe ötigen bolup, asasliqi xitayning jasusluqqa qarshi sahesige mes'ul bolghan iken.

Xitay hökümet taratquliri ma jyenning hoquqini suyi'istémal qilip, öz kömichige chogh tartish, uruq-tughqanlirining soda-tijaritige yol échip bérish, chet'elge pul yötkesh, béyjingda 6 jayda heshemetlik dacha sélish we hökümet rasxoti bilen 6 ashnisini béqishtek bir qatar "jinayi qilmishliri" ni ashkarilighan.

Ma jyen ötken yili 12-ayda xitay kompartiyesidin qoghlap chiqirilip teptish organlirigha tapshurulghan. Közetküchiler, uning délosining muddetsiz qamaq jazasigha höküm qilin'ghan ju yüngkanggha baghlap qattiq bir terep qilinidighanliqini texmin qilmaqtiken.

Toluq bet