Интерпол чәтәлгә қечип кәткән хитай әмәлдарларни тутуш буйруқи чиқарған

Мухбиримиз ирадә
2015.04.23
Share on WhatsApp
Share on WhatsApp

Хитай һөкүмитиниң авази һесаблинидиған хитай күндилик гезити пәйшәнбә күни чәтәлгә қечип кәткәнлики илгири сүрүлүватқан 100 нәпәр чирик әмәлдарниң исим-фамилисини рәсими билән қошуп елан қилған.

Хәвәрдә, бу кишиләрниң җинайити, уларниң туғулған юрти вә йешиға мунасивәтлик учурларму берилгән болуп, “хәлқара сақчи тәшкилати” ‏-интерполниң улар үстидин тутуш буйруқи чиқарғанлиқи илгири сүрүлгән.

Мәркизи интизам тәкшүрүш комитети бу кишиләрниң көпинчисиниң америка вә канадаға қечип кәткәнликини илгири сүргән. Бирләшмә агентлиқиниң хәвәр қилишичә, хитайда 1990-йилларниң оттурилиридин тартип һазирғичә болған арилиқта тәхминән 16миңдин 18 миңғичә болған кадир вә ишчи-хизмәтчи чәтәлгә қечип кәткән. Улар әп қечип кәткән мал-мүлкиниң омумий миқдари болса 135 милярд долларға йетип баридикән.

Ши җинпиң чирикликкә қарши күрәшни башлиғандин буян һазирғичә миңлиған әмәлдар үстидин тәкшүрүш елип барди. Бирақ көзәткүчиләрниң бәзилири, хитайдики система өзгәрмигүчә чирикликни түптин йоқатқили болмайдиғанлиқини, шуңа буни бир һесабта ши җинпиңниң өзигә қарши гуруһтикиләрни тазилаш һәрикити дәп қарашқа болидиғанлиқини билдүрмәктә.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.