Intérpol chet'elge qéchip ketken xitay emeldarlarni tutush buyruqi chiqarghan

Muxbirimiz irade
2015.04.23
Share on WhatsApp
Share on WhatsApp

Xitay hökümitining awazi hésablinidighan xitay kündilik géziti peyshenbe küni chet'elge qéchip ketkenliki ilgiri sürülüwatqan 100 neper chirik emeldarning isim-familisini resimi bilen qoshup élan qilghan.

Xewerde, bu kishilerning jinayiti, ularning tughulghan yurti we yéshigha munasiwetlik uchurlarmu bérilgen bolup, “Xelq'ara saqchi teshkilati” ‏-intérpolning ular üstidin tutush buyruqi chiqarghanliqi ilgiri sürülgen.

Merkizi intizam tekshürüsh komitéti bu kishilerning köpinchisining amérika we kanadagha qéchip ketkenlikini ilgiri sürgen. Birleshme agéntliqining xewer qilishiche, xitayda 1990-yillarning otturiliridin tartip hazirghiche bolghan ariliqta texminen 16mingdin 18 mingghiche bolghan kadir we ishchi-xizmetchi chet'elge qéchip ketken. Ular ep qéchip ketken mal-mülkining omumiy miqdari bolsa 135 milyard dollargha yétip baridiken.

Shi jinping chiriklikke qarshi küreshni bashlighandin buyan hazirghiche minglighan emeldar üstidin tekshürüsh élip bardi. Biraq közetküchilerning beziliri, xitaydiki sistéma özgermigüche chiriklikni tüptin yoqatqili bolmaydighanliqini, shunga buni bir hésabta shi jinpingning özige qarshi guruhtikilerni tazilash herikiti dep qarashqa bolidighanliqini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet