Tarbaghatay wilayetlik partkomning da'imiy ezasi tekshürülüshke bashlidi

Uyghur aptonom rayonida yene bir yuqiri derijilik kompartiye emeldari intizamgha xilapliq qilish, parixorluq we chériklik bilen eyiblinip tekshürülüshke bashlidi. Uyghur aptonom rayonluq intizam tekshürüsh komitétining élan qilishiche, tarbaghatay wilayetlik partkomning da'imiy ezasi shö bénleyge délo turghuzulghan.

Shö bénley 1986‏-yili herbiyliktin almiship, Uyghur aptonom rayonining shixo, qobuqsar nahiyeliride we chöchek shehiride yéza bashliqi, idare bashliqi, nahiye partkom sékrétari, wilayetlik kadirlar idarisining bashliqi, partkom sékrétari, waliy mehkimisining mu'awin bash katipi, wilayetlik partkomning da'imiy ezasi qatarliq wezipilerni atqurghan.

U, bu yil 4‏-ayda tekshürülüshke bashlan'ghan bolup, 5‏-ayda wezipisidin élip tashlan'ghan idi.

Uyghur aptonom rayonluq intizam tekshürüsh komitéti peyshenbe küni teptish organlirining shü bénleyge délo turghuzghanliqini bildürdi. Intizam tekshürüsh komitétining qeyt qilishiche, shö bénley siyasiy intizam, teshkili intizam, xizmet intizami, turmush intizamigha éghir xilapliq qilghan, qanun'gha xilapliq qilip, para alghan, ammining pulini chöntikige salghan. Uning nahayiti köp mal mülkining kélish menbesi mejhulken.

Shö bénleyning délosi ürümchi shehirining sabiq partkom sékrétari li ji 23‏-iyun chingxeyning shining shehiride sotlinip, “Jinayiti” ni üstige alghan küni élan qilindi.