Xitayning sabiq mu'awin j x ministiri parixorluq bilen eyiblinip sotlandi

Muxbirimiz erkin
2015-10-14
Share

Xitay j x ministirliqining sabiq mu'awin ministiri li dungshéng charshenbe küni tyenjin shehiride sotlandi. U, parixorluq bilen eyiblinip sotlan'ghan sabiq kompartiye merkizi siyasiy qanun komitéti sékrétari ju yungkanggha chétishliq yene bir yuqiri derijilik emeldar.

Shinxu'a agéntliqining ashkarilishiche, tyenjin sheherlik teptish da'iriliri li dungshéngni hoquqini suyi'istémal qilip, xizmet yötkesh, östürüsh ishlirida parixorluq qilish, bu jeryanda 22 milyon yüen para élish bilen eyibligen.

Li dungshéng ilgiri j x ministirliqining falun'gong we shinjanggha alaqidar “Térrorluq heriketliri” ni basturush qatarliq wezipilirini atqurghan

U, mushu bir hepte ichide parixorluq bilen eyiblinip sotlan'ghan ju yungkanggha yéqin 3-emeldar. Bu heptining bashlirida, ju yungkangning “Junggo döletlik néfit shirkiti”de birge ishligen orunbasari wang yüngchün bilen mezkur shirketning sabiq mudiri jyang jyémin sotlan'ghan. Jyang jyémin 16 yilliq, wang yüngchün 20 yilliq qamaq jazasigha höküm qilin'ghan. Emma diqqet qilishqa tégishlik yéri, néfit-énirgiye we j x sépidiki bu 3 emeldarning hemmisi Uyghur éli bilen alaqidar shexsler ikenlikidur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet