Shi jinpingning parixorluqqa qarshi küreshte nishan yötkishi diqqet qozghidi

Muxbirimiz shöhret hoshur
2015-12-28
Share

Xitayning merkizi intizam tekshürüsh komitéti bügün xitay télégraf shirkitining bash diréktori chang shyawbingning intizamgha éghir xilapliq qilish gumani bilen tekshürülüwatqanliqini élan qilghan.

Bügün bu heqte amérika awazi radi'osigha pikir bayan qilghan xongkongdiki junggo tili uniwérsitétining proféssori lin xélin "Bu parixorluqqa qarshi küreshte nishanning partiye we hökümet emeldarliridin dölet we xususi igiliktiki karxanilarning bashliqlirigha yötkilishidur" dégen.

Lin xélinning qarishiche, 2017-yili xitay kompartiyisining 19-qurultiyi échilidu, shi jinping bu qurultay échilghuche ariliqta yene köpligen chong emeldarlarni yoqitiwetküsi yoq, shunga u 4-yiligha qedem qoyush aldida turghan parixorluqqa qarshi nishanni deslepki ikki yilda partiye-hökümet emeldarlirigha qaratqan bolsa, emdi karxana we shirket bashliqlirigha qaratqan. Proféssor lin xélinning qarishiche, shi jinping bu xil nishan yötkesh arqiliq partiye we hökümetning ichki ittipaqliqigha chong dez kétishtin saqlanmaqchi.

Amérika awazining bügünki bu heqtiki xewiride, xitayda parixorluqning saqaymas bir késelliki, shi jinping élip bériwatqan parixorluqqa qarshi heriketning emeliyette shi jinpingning öz siyasiy reqiblirini tazilash herikiti ikenliki eskertilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet