Filippinda ikki xitay diplomatik emeldari öltürüldi

Charshenbe küni, filippinda 2 xitay diplomatik emeldari öltürülüp, bir diplomatik emeldari yarilan'ghan. Weqede, filippinning sébu shehiride turushluq xitay konsulxanisining mu'awin bash konsuli sün shen, konsulxana maliye emeldari li xuy öltürülgen. Bash konsuli song rongxu'a yarilan'ghan.

Birleshme agéntliqining bildürüshiche, weqe konsulxana xadimlirining sébudiki bir dangliq réstoranda ötküzgen tughulghan kün olturushida yüz bergen. Réstorandiki xizmetchiler weqe réstoranning ayrimxanisida yüz bergenlikini, konsulxana xadimliridin birining qalghanlirini oqqa tutqanliqini ilgiri sürgen.

Nöwette, saqchilar bir er-ayalni qolgha alghan. Qolgha élin'ghan bu er-ayalningmu xitay konsulxanisining xadimliri ikenliki ilgiri sürülgen. Xewerde, her ikki konsulxana xadimining diplomatik kechürüm qilinish hoquqi barliqi, ularning saqchigha ipade bérishni ret qilghanliqini bildürgen.

Sébu shehirining saqchi bashliqi prédénsi'o tam banas, “Bu bir tragédiye, étishishqa néme seweb bolghanliqini éniqlashqa tirishiwatimiz” dégen.

Xitayning manilada turushluq bash elchixanisi weqe heqqide pikir bayan qilishni ret qilghan.