Péy minshin: "Xitay heqiqet bilen yüzleshti"

Muxbirimiz irade
2018-08-09
Élxet
Pikir
Share
Print

Amérika-xitay soda urushida xitayning achchiq heqiqet bilen yüzlishiwatqanliqi mulahize qilinmaqta. Amérikidiki kaliforniye uniwérsitétining oqutquchisi péy minshin teripidin "Asiya mulahiziliri" tor bétide élan qilin'ghan mezkur mulahizide körsitilishiche, amérika-xitay soda urushi bashlinishtin awwal xitay terep özlirini amérikidin küchlük hésablighan. Ular eger amérika xitay bilen sodida tutushup qalghan teqdirde amérika prézidénti küchlük tenqidige uchraydu, xelqning qollishidin mehrum qalidu, dep chotni xata soqqan. Emma del eksiche tramp xitay bilen soda urushini bashlighandin buyan amérika dölet mejlisi we hökümitidiki siyasetchiler asasen uni qollighan. Xitayning ichki we tashqi siyasetliri heqqidiki munaziriler birdinla ulghayghan.

Aptor péy minshin xitayning mana emdi heqiqet bilen yüzleshkenlikini, xitay re'isi shi jinpingning perez qilghinining eksiche netije bérip, özining hakimiyitige xewp shekillendürgenlikini bayan qilghan. Uning éytishiche, shi jinping "Bir belwagh bir yol" qurulushigha oxshash nahayiti qimmetke toxtaydighan we qéyin qurulushni bashlash arqiliq özige ish térighan. Amérika bilen tirkishish arqiliq déng shiyawpingning "Amérika bilen ep ötüsh, gherbke aldirap küchini namayan qilmasliq" nezeriyisige xilapliq qilghan. Netijide, özining "Altun dewri" ni kütüwatqan shi jinpingning "Junggo chüshi" sugha chilishishqa bashlighan. 

Aptor péy minshin mulahiziside shi jinping hökümitining hazirqi weziyettin jiddiyliship qalghanliqini, uning ya mushu siyasitini toxtimay dawam qilish yaki ilgirikilerning nesihitini anglap burunqidek yawash-yumshaq siyasetke qaytishtin ibaret ikki yolning birini tallashqa mejbur bolidighanliqi texmin qilin'ghan.

Toluq bet