Хитай һәрбий қисимлириниң зор көләмлик қишлиқ мәшиққә атлиниши диққәт қозғиди

Мухбиримиз әзиз
2021-01-05
Share

Хитай хәлқ қурултийи хитайниң дөләт мудапийә қануниға түзитиш киргүзүп, мәркизи һәрбий ишлар комитетиниң уруш сиясити вә қарар чиқириш һоқуқини техиму күчәйткән. "җәнубий хитай әтигәнлик почтиси" гезитиниң хәвәр қилишичә, 1-январдин башлап рәсми күчгә игә болған бу қанунда уруш қилиш сиясити вә қарар қилиш һоқуқи хитай дөләт кабентидин хитай мәркизий һәрбий ишлар комитетиға өткүзүп берилгән. Буниң билән ши җинпиң рәһбәрликидики хитай мәркизий һәрбий ишлар комитетиниң һоқуқи техиму күчәйтилгән.

Мәлум болушичә, бу қанунға асасән хитай мәркизий һәрбий ишлар комитети уруш сияситини бәлгиләш вә қарар қилиш һоқуқиға еришипла қалмай, аммиви күчләрниму сәпәрвәр қилиш һоқуқиға еришкән. Қанунда қораллиқ қисимлар вә запас қисимларниң "бузғунчилиқ" вә "тәрәққият һоқуқи" ни қоғдаш үчүн сәпәрвәр қилинидиғанлиқи тәкитләнгән болуп, бу уқумниң тунҗи қетим хитай дөләт мудапийә қанунида тилға елиниши икән.

"җәнубий хитай әтигәнлик почтиси" ниң хәвиридә ейитилишичә, һәрбий сияси анализчилар бу қанун ши җинпиң башчилиқидики хитай армийәсиниң рәһбәрликини күчәйтидиғанлиқи, униң дөләт сиртида америкаға қаритилғанлиқи, дөләт ичидә мустәқиллиқ һәрикәтлирини қораллиқ бастурушни нишан қилидиғанлиқини илгири сүргән. Мәзкур қанун 26-декабир мақулланған болуп, 1-январдин башлап рәсми күчкә игә болған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт