Xitayda bu yilliq esker élish teyyarliq xizmiti jiddiy qanat yaydurulmaqtiken

Muxbirimiz qutlan
2017-01-14
Élxet
Pikir
Share
Print

Igilinishiche, xitay dölet mudapi'e ministirliqi esker qobul qilish ishxanisi yéqinda "2017-Yilliq esker élish teyyarliq xizmiti toghrisida uqturush" élan qilghan. Uqturushta bu yilliq esker élish teyyarliq xizmitining omumyüzlük bashlan'ghanliqi bildürülgen.

Xelq torining bu heqtiki mexsus xewirige qarighanda, xitay dölet mudapi'e ministirliqi esker qobul qilish ishxanisi 10-yanwardin bashlap memliket boyiche esker élish torini échiwetken.

Uqturushta körsitilishiche, xitaydiki 18 yashqa toshqan er puqralar bu yil 6-ayning 30-künidin burun esker qobul qilish torigha chiqip öz ixtiyarliqi bilen herbiy mejburiyet öteshke tizimlatsa bolidiken.

Igilinishiche, yéqinqi yillardin buyan xitay hökümiti armiyeni zamaniwiylashturush, eskerlerning urush qilish iqtidarini kücheytish shundaqla bügünki murekkep xelq'ara weziyette herbiy üstünlükni saqlash sho'ari bilen herbiy sélinmisini yilséri ashurmaqtiken.

Bolupmu xitayning ötken yilining axiridin buyan yaponiye, teywen we sherqiy jenubiy asiyadiki qoshna eller bilen bolghan munasiwitining jiddiylishishi, amérikining xitayning jenubiy déngizdiki herbiy heriketlirige qarita qattiq pozitsiyede bolushi seweblik, xitay eskiriy hazirliqlirini kücheytishke bashlighan.

Közetküchilerning bildürishiche, xitay bu yildin bashlap eskerlikke tizimlitidighan yashlarni téximu zor teminatlardin menpe'etlendürüsh, ularning a'ile tawabi'atlirini siyasiy we iqtisadiy jehettiki ewzelliklerdin behriman qilish charisini yolgha qoyushi mumkinken.

Toluq bet